لليل بوح - سعود بن محمد رشيد الذكرى

لليل بوح يطرب الفكر والبال
يجلي مرار الوقت ويجلب سعدها

ولليل بوح يضيق الصدر والحال
ينبش هموم القلب ويظهر نكدها

وشفنا بليل الخلق جلسات هبال
للي خلي أحزان وسعده صمدها

مبخوت من ليلاه أفراح وأخبال
اللي غفي النوم ماحسّب عقدها

يضحكني ليل فيه قصور بالفال
وواقع ولا شفنا حتى وتدها

ويحزنني ليل أجلى قروم وأرجال
راحت به الأقدار بقبر ولحدها

وأغرب ليال الليل اضيوم اثقال
خاوت مشقّى النفس وقلبه مجدها

أجمل يجمّل ليل أعمال وأفعال
للي يناجي رب بدعوة وسجدها

وأفضل ليالي العمر البوح لا قال
الحمد كل الحمد لمزهر شهدها

© 2022 - موقع الشعر