علي العواجي نهاج ٍ منهج الطيب
والجود في علي العواجي جبلّه
يسقي صديقه من قراح المشاريب
ويسناده ويشيل حمله رضاًله
والا عدوه مكسبه فرية الجيب
يبطي حزين وعلته مستجله
ماهوب مثل قريّبين المحاضيب
اللي بهم تسعه وتسعين عله
البايرين مشذبين العراقيب
اهل الدسايس والقلوب المغله
لوشابهوله بالحا والاشانيب
ماصارت الاقمارمثل الاهله
فرق الرجال يبين عقب التجاريب
واللوم فوق اللي علومه مظله
يكرم جنابه عن جميع العذاريب
حيث ان اله عن ملة الخزي مله
مافيه شك ولادخل قلبه الريب
ومن الردا كله نضيف ٍ سجله
ياللي تبالك مطلب ٍصعب وتعيب
عليك باللي كل عقد ٍيحله
ابويزيداللي نزيه ٍعن العيب
رايه حكيم وللشكاله مدله
تلقالياجيته كرامه وترحيب
ومقابله ومنادمه ماتمله
مدرك بقوماته كبارالمطاليب
لاضيعوبعض الرجال الادله
عنده لعصمان الشوارب مقاضيب
يبني لهم راي ٍ وراي ٍ يفله
فالموجبات يرتب الوضع ترتيب
والمنفعه خير ٍطراته بحله
وابوه لوتكثرعليه الموجيب
مثل الجبل مايختلف عن محله
حازالمراجل فاالسنين الشلاهيب
ريف اليتاماواليدين المقله
والناس قالويخطي القول ويصيب
وحسين ينصاه الثنامايزله
من شبته حتا غشا راسه الشيب
عن سيرة الاخيارمافيه خله
ورحل من الدنياعريب المجاذيب
وعن الوطاكنه بعيطا ًمطله
وياالله ياللي تعلم السروالغيب
انك بضلك عن عذابك تضله
واصله من اللي يدركون المكاسيب
فوق النضا ومنافضات الاجله
عجمان لاجات السراياجناديب
من فلعهم تقفي وهي مستخله
باالمرهفات وباالرماح المغاليب
وبالشلف دون المال دقه وجله
ترعابهم نبت الخطر شمخ النيب
وحريبهم يمسي ويصبح بذله
وصلوعدد ماتطلع الشمس وتغيب
ومالاح برق مخيلة ٍ مستهله
على نبي ٍشطب الشرك تشطيب
محمد اللي عزّه الله واجله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين