النقد يافاروق فالعرض والطول - سعدون بن فهد الهرس

قصيدة فاروق
النقدمن شرواك يالهرس مقبول

ولاشك من ينصاك بالراي فدته
حيث ان فكرك جزل ماهوب مشلول

وأناعلى متن الصحيح إعتمدته
يابوفهدمثلك عن الهزل مجزول

ورايك يشرفني على اللي وجدته
يوم انت مانتب بين أهل نجد مجهول

شرواك سلما للمعالي وعدته
والا الكمال محال و النقص معقول

عندي وانا عرفي من الناس زدته
ومن لا كسب من جوهر العلم مدلول

ضايع ولو انك على الدرب قدته
رد سعدون الهرس

النقد يافاروق فالعرض والطول
ومصباح سراي الدجا كم حمدته

سمعتلك نسج ٍعن الهزل معزول
ولاحضت فيه اللي من اجلك فردته

طبيت روض ٍقفرماهوب مدهول
ولقيتلك فالقفر وقر ٍوردته

هذا وانا عن منهج الشعرمشغول
وذكرتني ماضيه لين استعدته

وفتحتلك باب ٍمن الشعرمقفول
ونقيتلك منه الخيار ووصدته

واسلم ودم يااللي على الطيب مجبول
وانامعك في دربك اللي عمدته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر