تحمـّلت ميل الد ّهر وأخفيت لين أزريت - سعدون بن فهد الهرس

هذه قصيدة الشاعر خالد بن عبدالله المهيدلي العتيبي مرسلها
إلى الشاعر سعدون بن فهد الهرس العتيبي

ليا شفتلي شي ّ ٍ يخدش الشعور أغضيت
على شان ماأفقد جوهر القدر والشيمه

أحاول على حفظ الكرامه وزين الصيت
وأجنّب عن دروب الردى وأحفظ القيمه

وأسكّر سموعي في كلام الردى ماأصغيت
عسى هرجة النمّام تلزم بلاعيمه

على العز والشيمه وحفظ السلوم أمضيت
ولا أسعى ورى من وضّح الشرع تحريمه

وأصاحب عزيز النفس وإن غاب قلت أبطيت
شفوق ٍ على شوفه وسلمه وتكليمه

بشوش القبال إن جيتله قاللي حيّيت
على جوهر سلوم العرب حاز تعليمه

ليا صار لي حاجه وعنده عليها أرهيت
قرين الوفا ما رد بابه معازيمه

لاضاق صدري يابدر يم بيته جيت
عسى الله يحفظه من هل الغدر ويديمه

وتراك أنت ياسعدون قصدي بعد غنّيت
ولاقلتها لك غير حشمه وتكريمه

أبيها تسجّل في سجل ْ الوفا ياليت
توفّي مع اللي كاسيتني مقاديمه

حفظت الوفا لاهل الوفا حي وألا ّ ميت
بذلت الجهود لحفظ شرحه وتقديمه

بعد مابغى ينسى قديم البنا رد ّيت
عليه بعزيمه لين بانت مراسيمه

جمعت الجواهر واكتمل عقدها وأمسيت
تفاخر بها بالثبت ماهيب ترهيمه

تحث الركايب في طلبها ولاملّيت
وبيّنت شي ّ ٍ مبهمات ٍ طلاسيمه

عسى الله يثيبك خير في كل ماسويت
بعد قمت بالتاريخ بانت مفاهيمه

وعلى صفوة أهل الكون فالخاتمه صليت
صلاة ٍ على الهادي محمد و تسليمه

رد الشاعر سعدون بن فهد الهرس على قصيدة الشاعر خالد بن عبدالله
المهيدلي

تحمّلت ميل الد ّهر وأخفيت لين أزريت
خفايا خفوقي لين صبري وصل تيمه

تضيع الروابع دون شف ّ ٍ عليه اشفيت
قديم العهود وبيّنات ٍ معاليمه

وأنا عارف إن الحي ماهوب مثل الميت
يدور الزمان وكل طقّه بتعليمه

زمان ٍ يعارضك الوذا فيه لوماأوذيت
يبذ الحكيم اللي يسدد مثاليمه

أحد من زمانه زاده الصبر والحلتيت
وعلى غير خلا ّق الملا ماشكا ضيمه

وأحد مايحس بصفقة الوجه والتنعيت
زمانه عليه أرهى بحسناه ونعيمه

هذا وأنت ياخالد تماديت ماكلّيت
ورى المقصد اللي نلت فخره وتعظيمه

ومادام أنت من صحبة هل الجود ماملّيت
ترى ورود عد الجود ماتصدر محيمه

وألا ياحليف الجود وفّيت واستوفيت
كسبت الوقار وكل رجل ٍ وتقييمه

على منهج أخيار العرب سرت وادّليت
ونزلت بمكان ٍ ماتغر ّك مفاهيمه

عشقت المعالي وإلك فأعلى المعالي بيت
بنيته وفيه الضيف تافي بتكريمه

وأنا لن دخل في عقل ولد الردي تفويت
ماأشانيه لو إنّي بخيص ٍ بتلجيمه

أصد متغاضي وأعرف إنّي ليا صد ّيت
عن اللا ش تنشب حسرته في لهازيمه

ورفيقي ولو يخطي عليّه ماأقول أخطيت
ولو كان عفره ماتلادي مجاهيمه

شرحت إلك وأوجزت إلك وأبديت ماخفّيت
ولانيب في حال المنجّم وتنجيمه

لحيث إنّك اللي رفقته مالها توقيت
صديق ٍ حميم ٍ لازمتني ملازيمه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر