الشيخ : مشل العواجي

لـ ، ، بواسطة عشيان بن سليمان، في غير مُحدد

المنسابة: مشاركه شاعريه لشاعر الروله الشاعر ( عشيان بن سليمان الرويلي ) إثناء تلبيته لدعوة الشيخ : مشل العواجي في منطقة حائل في تاريخ 5\\11\\1431هـ

لي الشرف في دعوتك يالعواجي
ماهمني لو المسافه بعيده
من الجوف اخذ عزبتي واحتياجي
والجيب جاهز والتواير جديده
ماينغمر بالخم غير الدجاجي
والحر الاشقر طلعته للبعيده
بمقابلة شرواك يصفي مزاجي
وليا صفى صفت حروف القصيده
جعلك تدوم بنعمة وابتهاجي
وزيارتك ياشيخ فرصه سعيده
من صلب وايل مطلقين الحجاجي
أهل الفخر وأهل العلوم الحميده
ولاهي غريبه في وصول ٍ أنفاجي
حيث البديده من هذيك البديده
ياحك قرن بقرن وشد السياجي
خيالة ٍ يوم الملاقى عنيده
ولانت شيخ ٍ صيرمي وأندماجي
نسل الصطر يامهلكين المكيده
قدام بيتك تقل ماقف كراجي
ومفطحاتا ً بالصحون العديده
والا الردي لوكان بيته زجاجي
مازاد قدره في زيادة رصيده
والمعذره ما اقول قول سماجي
في كل قوم وجيل يطلع وليده
مثل الزمول الصايجات الهياجي
وحق القبايل بالخطا مانبيده
ونعم بشمر يفهون الخراجي
أهل اللحيسا صافيين الحديده
فزعاتهم عند المريض العلاجي
واخصالهم بين القبايل فريده
ونشكر عتيبه مزبنة كل لاجي
تلطم العايل لاتعاوج بسيده
لهم البيضا فوق روس البراجي
بنيابة ٍ عن كل وايل نشيده
وأنحمد اللي عنده الانفراجي
الرب واحد والحكومه رشيده
بضل المليك اللي على الراس تاجي
عز المواطن والوطن والعقيده
ياخالق بالكون وساع فجاجي
يامهدي الامه ورازق عبيده
حسناك يلي تستمع للمناجي
وصلاة رب على محمد إكيده
______
شعر عشيان بن سليمان

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين