على رحلة شوامخ عزتي يم الفضارحال
مدام ان الفضا واسع وصدر الكون يحويني
ابرحل والفجوج الواسعة تستهوي الرجال
ابرحل دامها ضاقت مساحات الأمل فيني
ابرحل وانت ياقلبي تعال وعانق الترحال
تعال وخلنا نبعد ولانترك عناويني
تعال نسابق الخطوة ولو ان الدروب طوال
مدام ان الثمن عزة ولاغيرك يخاويني
تعال وخابرك فوق النجوم العاليه نزال
تعال نقسم نجوم السما مابينك وبيني
تعال وخابرك مثلي تشيل من الهموم اثقال
تعال نجدع حمول الشقى عن كاهل سنيني
تعال وخلنا ناقف ولانطرد سراب اللال
ولا نتبع طريق اللي على الصدات ناويني
ترى بعض الشجر يابس ولابه للمقيل ظلال
تعداه الرجال اللي يمرونه مقفيني
الاياقلبي قعودك تحت شمس الهجير هبال
تظلل عزتك وارحل وخل يديك بيديني
تعال نخاوي الغربة ونسكنها براحة بال
ترى خوتك ياقلبي عن العالم تكفيني
خالد
الرياض بتاريخ /30/3/1430 هجري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين