وطن شامخ ما يهزه ريح - سعد بن عبدالعزيز الذيابي

يا وطنا جعل ربي يكافيك الشرور
ويستمر أبك التطور وحكم آل السعود

دارنا دار المعزة وماكر للصقور
ومزبن اللي ظامه الدهر والأمة شهود

كلنا جند الوطن كلنا للدار سور
والحكومة راس والشعب للدولة عضود

دارنا دار المحبة على مر العصور
كلنا درع الوطن كلنا دونه جنود

الوطن شامخ ما هزه رياح ولا غدور
ولا يهمه نبح كلبٍ عن بلاده شرود

النشاما كلهم في مواقعهم أحضور
ومن مرق واللا سرق حط في عينيه عود

ومن يبيع الدار والأهل ما هوب معذور
باعه الله في جهنم وجعله ما يعود

يا قليل المعرفة لا تلف ولا تدور
لا تطاوع شلةٍ ضايعة وقلوب سود

شلة الإرهاب فيها الخباثة والغرور
ما نطاوع في بلدنا خبيث ولا حسود

لا يغرك فكرة المنحرف كلبٍ عقور
وين عهد الله وبيعات أبانا والجدود

يا شباب أنصحك فكر معي قبل المرور
ولا تغرك شلة الكفر وأعوان اليهود

© 2024 - موقع الشعر