وقفت شامخ

الادمي طبعه جحوٍٍٍد(ن) ونساي
وانتي تعيدين الجروح العليله
 
 
 
تو الندم فيما فعلتيه وياي
بدت تصحيه السنين الطويله
 
 
 
كان اشغلت ذهنك مع الوقت ذكراي
واشتقتي للي ما لقيتي مثيله
 
 
 
فيما مضى كنتي الاماني بدنياي
ورحتي ولالي بالمواقف وسيله
 
 
 
شيدت لعيونك على الصدق مبناي
ماله شبيه الا بيوتٍ(ن) قليله
 
 
 
لا التضحيه فادت ولا طيب شرواي(ن)
وانكرت كل التضحيات الجليله
 
 
 
ما كني اللي عشت حزني وبلواي
لاجل الحبيب اللي كسرني رحيله
 
 
 
مديت لك بعهود الاحباب يمناي
ومدت بنكران اليدين البخيله
 
 
 
وقفت شامخ عزة النفس مبداي
ما هزة الريح الجبال الثقيله
 
 
 
واعطتني الدنيا مساحات سلواي
عايشت معها كل لحظه جميله
 
 
 
ان كان ودك يا اسود القلب لقياي
تذكر احلام الغرام القتيله
 
 
 
ان طعتني لا تطربك دقة الناي
ثم تاخذك لحظاتها للفشيله
 
 
 
هذي نصيحه تنفعك وقتك الجاي
خذها ولا بها رغبة مستحيله
 
 
 
لا يخدعك ظنك ويبعد بك الراي
ما للهوى صوبك فؤاٍٍٍد يشيله
 
 
 
ما عاد ينفع طافت الماضي خطاي
مثل السراب اللي بعيٍٍٍد(ن) مخيله