بين صالح بن غازي المقاطي وسعد بن عبدالعزيز الذيابي

أبيات الشاعر صالح بن غازي المقاطي
ياهلا باهل المراجل والسلوم

طيبين الذكر وافين العهد
من رجالٍ تحفظ الفرض وتصوم

صيتهم عالي وشيخاً فالبلد
عزوتي لا صار في جوّي غيوم

مهربي وقت التعاسي والنكد
ياعضيدي ياعسى عزّك يدوم

والله انّك صدق عنوان السعد
***

رد الشاعر سعد بن عبد العزيز الذيابي
راكب اللي ساع جانا فالقدوم

نوعه الفكسار ساع انّه ورد
يعجبك فالمشي ساعة مايقوم

إن عطى الاسفلت والا مع جلد
كن صوته مع رقاريق الحزوم

صوت ندراً وسطها برق ورعد
مايردنّه طويلات العقوم

مرّها كنّه مع الحزم الجرد
قائده عن مانهى الله إمحروم

ذاكراً ربه وفي دربه صمد
مثل سباحٍ مع الغبّه يعوم

يفهم الانسان يخلق في كبد
عين شمس تمر ويمين الجموم

في قصورٍ بيض في وصف البرد
ثم سلّم فوقهم لمىّ لموم

الكبار مع الصغار إبلا عدد
ونصّه اللي من رياجيل اللزوم

وقول انا مرسول جائك من سعد
وقول حاضر مامعه كبره وزوم

في لزومك فاح دمّه مابرد
واشرب القهوه وريّح ومخدوم

بس عذروبه ترى مايقتصد
وقول له تدوم ياذخر القروم

اشهد انّك شبل من ذاك الاسد
جارك الله من عواريض الهموم

وعنك كف اهل النمايم والحسد
من عتيبه مروية حد السهوم

هم سندنا يوم كلٍ له سند
مكرمين الضيف والزاد إمعدوم

اشهد بذلك وغيري من شهد
صيتهم ذايع ولا فيهم وهوم

ولا يقوم البيت من غير العمد
سعد عيني فالدفاع فالهجوم

والفهد شبله يجي مثله فهد
إشهدوا قحطان وشيوخ البقوم

ويشهدون إمطير وسليم النضد
ويشهدون إبها الغوانم والعسوم

وقول شمّر وآل وائل معتمد
قالوا عتيبه قويين العزوم

الأوائل نعم مع نعم الجدد
الثلاث البيض والعلم إمحسوم

عاده إلهم دونها بذل الجهد
انشد اهل المعرفه واهل العلوم

يخبروك ولا تضيّع من نشد
طير شلوى في مراقيبه يحوم

فرخ حر ينومسك وقت الهدد
عاش رجالٍ عن الهزله يشوم

وعاش من مثلك إلى العليا صعد
ياعزيز الجال ياعوق الخصوم

ياصديق الضيف بالدنيا زهد
شوق من تزهاه فالخد الرقوم

كامل الاوصاف مركوز النّهد
جعل يفداك الهزالا والرّخوم

والهبيل اللي عن الواجب رقد
النبيته داخل البيت إمحكوم

والنبيته كل مايكبر فسد
وانت عن جملة هذا الوصف محشوم

انت في حكم الولي وله إتعبد
انت من شبّتك للعليا تروم

عشت ثم يعيش من ربا الولد
وأذكرالله فالبدايه والختوم

وأحمد الله عزّنا وله نحمد