يابحر

يابحر من حبك مليت الفاضي
دونت في بيض الورق ملحوضه

عشقت فيك الساحل الفياضي
الي مفيضه يشفي الممروضه

جيتك ثقيل الحمل والامراضي
واشكي على الله حالي المعروضه

ماشفت همي والبلا واعراضي
بس الشكاوي ماهي اب مفروضه

قال البحر/ الوكان خلك راضي
تمشي وكبدك دايماً محروضه

وهوه عن احوالك درى ومتغاضي
ماظن يطعم بالحلا وحموضه

وآلا يجوز ان الهواء مهياضي
حب(ن)مثل حبه عديم احفوضه

ولاانت ماظنك عشير امعاضي
ياعاشق(ن) لعب الزمن بحضوضه

قلت أله/يابحر(ن) رخيت اللفاضي
وبينت لك سر(ن) خفي معروضه

ف ابو ثمان(ن) كنهن فضاضي
والدر والياقوت في ملفوضه

يابحر ماهو صاحب(ن) نقاضي
ولاهو من الي يتبعون الموضه

مير البلا خلي اب غلاه اغتاضي
صدري ملاه امن الزعل بغيوضه

قال البحر/بعطيك بالمعواضي
رب العباد آمر وتم افروضه

من خف راسه يتعب المركاضي
والكون مايسوى جناح ابعوضه

خل الكلام وحبك الفضفاضي
واطلب من الله بالشتاء وقيوضه

يقنعك عن وده وتنسى الماضي
وتكون عبره ف الغلا منقوضه

قلت اله ليتك ماتعيد ايقاضي
تقنعنيه بعيونك المغموضه

جيت اشتكي لك واحسبنك قاضي
وتقول حجة شكوتي مرفوضه

والله ماينفع اب قلب(ن) عاضي
عاف الحلول وعايف(ن) معيوضه

اليوم ابا الملم جميع اغراضي
وابعد عن ادروب البحر وفيوضه

رد البحر/ هونك على المنهاضي
الكم جميل وعندنا محفوضه

الموج فوقي يبيض استبياضي
وانا سعيفك بالرجول اتخوضه

اطلع على ضهري بلا نفاضي
وابدون مصنوع(ن) صنع للغروضه

واليا وصلت الصاحب المغتاضي
اضهر هديه ترضي المغيوضه

حبيت اسري حجتي بغماضي
واقصر الهاجوس عن مركوضه

وابدع قوافي بالقصيده باضي
والشطر الاخر من بيوتي بوضه