ياحلو صوتك كل ماقلت لي هيك - نايف الرشيدي

ياحلو صوتك كل ماقلت لي هيك..
اموت انا ف اللهجه الاردنيه..

لبيك من قاصي خفوقي ولبيك..
يالي لك الاشواق ف القلب حيه..

امر تدلل يالغلا جعل مابكيك..
امر على روحي وخذها هديه..

انته مناي وكل مابي يناديك..
وانت السعاده ف الحياه الشقيه..

وانت القصيد الي تهيض قوافيك..
وانت الشعور الي موصى عليه..

وانت الفرح جعل الحزن مايباريك..
ياوردةً تزهى بك المزهريه..

وانا عشقت اسلوبك الي محليك..
ماريد غيرك ياعنود االضبيه..

خلك معي مادامني حيل باغيك..
وانا معك ماحتاج منكّ وصيه..

اسكن بقلبً ماعشق غير طاريك..
من يوم شافك رحب وقال حيه..

يعطيك من حبه ويذكر حكاويك..
وان غبت لحظه ولع النار فيه..

بين البشر والكون محدن يساويك..
غلاك زايد لعنبو حي حيه..

يانور!! ساطع ااه محلا مساريك..
انشهد ان القرب عيشه هنيه..

اموت في صوتك ليا قلت لي هيك..
ولجلك عشقت اللهجه الاردنيه..

الشاعر نايف الرشيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر