عسرني زماني (لعنبو) حظـي اللـي نـام - عبدالرحمن بن عبدالله المجلي

عسرني زماني (لعنبو) حظي اللي نام
أنا كيف أخاوي واحدٍ ما يدانيني

شكيت ..وبكيت ..وطحت من جور ذا الأيام
ولا به رفيقٍ لي تنزل يواسيني

إلى قلت له أرفق.. يقول: الوعد قدام؟!
في مامضى من وقت أنت متحديني

أقوم أتعذر له.. وأحلف ثلاث أقسام
بأني ضريرٍ أبغي أحد يقديني!!

علام الدهر يا ناس ما يرحم المنضام؟!
يخلط الشقى.. والمرّ.. ( كوكتيل) يسقيني

يعادي واجامل له.. وذاله ثلاث أعوام
أنا مكسبي منه السلامه ويكفيني!!

وأهديت له سبحه وعطري وطقم أقلام
لعله يليّن جانبه لي ويرضيني

وساعة يدي والبوك و(الفرد) والأبوام
وعمري وما أملك.. رهنته بجرحيني

يقول ( إنثبر ) ! ما طاب لك يا (غبي) مادام
وذا اللي نخيته ما يفيدك مسيكيني

(تكوبعت) في همي وعضيت أنا الأبهام
وصرت أفتكر ذا الوقت وش به معاديني ؟

أشوفه يزيد الحزن.. والجرح.. والآلام
يقول إنت في طوعي!.. وقصده يبكيني

أثر ما مضى لي فلم !!..كله خدع وأوهام!
تفنن به المخرج وسلكه شراييني

وحطولهم حفلة وغنت بها ( أحلام)
يدقون طار الزار نشوى وفرحِيني

وقلبي على ( التورته) غدا بينهم أقسام
وشبو شموع (الفوز ) وحده وثنتيني

وصفوا هداياهم على الطاولة أكوام
شعوري.. وإحساسي ..وذاتٍ مشقيني

وصرت أتحسر ليه ؟ ! حظي عثر ماقام
ولوني نخيته صد عيا يحاكيني

ولملمت باقي ذكرياتي مع الأحلام
وفي آخر( الموجز) نهاية عناويني

عبدالرحمن بن عبدالله المجلي
راعي مرات

© 2024 - موقع الشعر