عناقيد الفكر - دهن العود

أنا جيت امتطي صهوة جواد الفكر واجيبه
اسوق الخيل وركاب(ن) من الترحيب واعيده

طلبت الشعر يرخص لي يجيني بكل تراكيبه
نخيت الحرف يسعفني ودلالي عناقيده

ورحت اقطف بيوت الشعر افكر في تراتيبه
نظمت القاف بحضورك وثارت لك بواريده

"هلا باللي وصل ذكره قبل توصل مراكيبه"
مثل غيث(ن) قبل يوصل يجي ريحه ورعاديده

نهلي ب ( ريم ) ومن معها نصوغ اجمل تراحيبه
هلا مليون واثني .. واعيد القول وازيده

هلابك عد ما زخ المطر واثقل سواحيبه
هلابك فرحة(ن) تملى الصدور بكل تغاريده

يزين الصبح بحضورك كفيض(ن) من شئابيبه
هلا بك من هنا لي حد سمانا مع فراقيده

حضور اليوم مسعدنا تشرفنا بمواجيبه
في صرح العلم والتعليم نقول احلى اناشيده

يبارك ربي في صرح(ن) وتثمر كل مطاليبه
مدام ان ( بسمة ) قائدنا نبي نرقا مشاهيده

تقود المكتب العليا وتصعد به مشاهيبه
وصار لنا التميز ( زي ) يوافينا بمواعيده

وفينا له وكفينا وزدنا في تجاريبه
تكاتفنا على العليا وعفناها مراقيده

لها في القمة مرباع(ن) وهي سيده ومعازيبه
تقدمنا بجهود الكل وذي ( بسمة ) عواميده

نشد الهمة في بسمة بلا شك(ن) ولا ريبه
بها حنكه بها فطنه .. ذكاء(ن) من مواليده

يحق لنا الفخر والله .. يحق لنا نماريبه
خذيناها بيمنانا .. وصرنا من جلاميده

عطينا بصدق واعطانا ولا شي(ن) نساويبه
نحب العلم ونجله وحنا من صناديده

اعيد القول واثني .. هلا باللي لها هيبه
هلابك ( ريم ) يا مرحب نهلي مع زغاريده

هلا باللي وصل ذكره قبل توصل مراكيبه
مثل غيث(ن) قبل يوصل نهلي في رعاديده

© 2024 - موقع الشعر