سلامتك يا سندنا

يوم القصايد تهادت جمعتها وقلت يا الله
جتك المشاعر تسابق ما كنها الا النفير

يا سيدي يوم شفتك زهبت شعري بدلّه
وبهرتها بالمشاعر وغليتها بالضمير

سلامتك يا ملكنا من كل شر(ن) وعلّه
سلامتك يا سندنا عساك دايم بخير

جعل المرض في حياته يضيعه ما يدلّه
شعبك يصلي ويدعي كبيرهم والصغير

عسى المرض ما يجيلك في باقي العمر كلّه
يا اللي وجودك ينور حياتنا وتستنير

يا ربنا مرتجينك ندعيك من دون زلّه
تشفي ملكنا سندنا ذرى الغني والفقير

يا الله يا سامع الصوت سل المرض منه سلّه
ما خاب من هو ترجاك .. في كل مدك غزير

وتجعل مصابه كرامه دق المرض وإلا جلّه
وتكسيه ثوب السلامه يا اللي بحكمك نسير

ننظم حروف القصيدة في ذكر من لا نملّه
ابو (فهد) من غلاته .. يبقى مكانه كبير

متربع (ن) في حشانا ... وارواحنا له مظلّه
ل ابو (فهد) في الحنايا عشق(ن) وحب(ن) كثير