ارضنا هي عرضنا

أرضنا ارض العروبة والرجال
من ابو تركي إلى اصغر عسوب

من جنوب الأرض لين اقصى الشمال
ومن شروقك يا وطن لين الغروب

نفتديك بدمنا وقت القتال
ونشعل الهمه ولا عنها هروب

مرخصين ارواحنا شيخ وعيال
شعبنا ما فيه مثله بالشعوب

نفتدي حكامنا بحل وحلال
واقفين بجنبهم فاقوى الخطوب

اشهد انا للوطن درع(ن) ثقال
لو نحرنا بارضنا صعب(ن) نتوب

هذي ارض الخير ما فيها فصال
حبها فرض (ن) علينا مع وجوب

دمنا يغسل جبالك والسهال
ارضنا هي عرضنا وبها نذوب

موطني يا موطني انت الكمال
وانت في قلبي كما شيخ مهيوب

وانت في عيني ابد ما لك مثال
وما حدن يشبهك او عنك ينوب

للوطن ناقف على حد الزوال
كلنا اخوان واعوان وهبوب

موطني هو ظلنا ويا الظلال
ما خذينا ارضنا غصب ونهوب

يا بلادي في الرخا خيرك زلال
وفي الشدايد ارضنا نار وشبوب

الوطن صعب (ن) على عداه المنال
ما يجيهم لو بها زور وذنوب

حنا لاقمنا ندك اقوى الجبال
ويتساقط من خطانا طوب طوب

نخمد النيران لو فيها اشتعال
ونطرد اللي معتدي واللي لعوب

قال (ابو فيصل) مقوله بهالمجال
قال من ياطئ شبر فيها مغلوب

واتبعوه اخوانه .. بقول وفعال
طبقوها دون تحريف وعيوب

نفتدي ارض الوطن لوهي رمال
نفتديها بالولد ولنا المثوب

السعودية بها البيرق يلال
أخضر وأبيض على العزه مخضوب

من رأنا بعز شفناه بجلال
ومن حسبنا خير .. خيره محسوب

ومن بغانا شر حنا له قبال
نضرب الهامة مع اخرة الكعوب

شرنا للي غدر شر (ن) وبال
وخيرنا للي وفا خير(ن) حلوب

يا ملكنا نفدى راسك والعقال
كلنا لك فدوة (ن) سلم وحروب

حبنا لسلمان راسي كالجبال
عند شعبه غالي ودوم محبوب

وحبك لشعبك سمى فوق الهلال
مالك (ن) شعبك من اقصاة القلوب

ومع ولي العهد جاوزنا المحال
فوق هام السحب ما شي محجوب

اشهد انك في الرخا غيث(ن)همال
ولا حضرت بهيبتك ليث(ن) وثوب

فخرنا بحكامنا فاق الخيال
قد تعدينا بفخرنا كل صوب

حبهم في قلوبنا اول وتال
نعشق تراب (ن) بعدهم في الدروب

رافعين اصواتنا في الابتهال
يحفظ ارضك من حروب ومن كروب

ويجعل افراحك على طول الليال
والسعد يملى سهولك والحدوب

الرياض – 26 – 1 – 1442 ه