سلامتك

سمتك عل ما بك يبتعد شره
وأنا معك لا تخاف وتأخذك حيرة

لو كان حظك عثر مرة ورامرة
يفداك عمر معك هانت مخاسيره

وعيونك السود ونور الوجه والغرة
واللي جمعنا بلا عرف وب جيره

إني لا عايش هواك بحلوة ومره
لو كان مالي بتالي وصلنا خيره

وأني لا جاهد زماني برده وحره
وأصبر عل الضيم حتى تكمل السيره

رضيت ولا رفضت وجيت متشره
هذا ترى حبنا وهذي مقاديره

يدفع قدرنا هوانا ويرجع يجره
من للقدر يملك ارجاعه وتغييره

إصبر ولو خاب ظنك عاود الكره
الحب يصعب على العشاق تفسيره

قلبي لقلبك يضمه حيل ويبره
أقوى من الشك وأكبر من عمي الغيره

لولاك حب يهني القلب ويسره
في عيني الصبح ما لاحت تباشيره

لو أي نبضة بقلبي خانتك مره
جاتك قبل تخطى النبضة معاذيره

سلامتك يا خفوق عاشقه ضره
شف تضحياته قبل تلهي بتقصيره