صغيرة سن

كفاني منك مالج بخفوقي وارتكى باأقصاه
وش اللي في جيوبك مابدالي يااول أحبابي

تفضل حت ماباقي من غصون الغلا واذراه
ماعاد يهمني فالكون غير الستر بثيابي

تفضل وأشعم النار بخفوقي واحرقه واصلاه
وتدفى فوق جاله وان قضيت أحثابه ترابي

تفضل دك مرحان الضلوع وهالقعود أشعاه
خلاص من الحسايف لو تبيّد عوج الأرقابي

خلاص من القطين اللي نشف عده وشح بماه
خلاص من المحل ودهوره أبشد بركابي

تفضل روح مرواح الصبي مقيط هو ورشاه
ماوالله ترتعش لاأقفيت عني خرس الأهدابي

وانا برحل على كف الزمن وامشي على مشهاه
وادور لي مكانٍ لو كرهته بس يرضابي

ولكن.. لحظه اعطيك النهايه واعتبرها وصاه
وانا أصغر منك بس العقل ماينقاس بحسابي

ترى كل القصيد اللي كتبت وقلت فيك ...أقراه
يمين الله ماخطيته بحضرتك فكتابي

أغني به على ماقالوا (يغني على ليلاه)
صغيرة سن واغواها الدلال ودم الأعرابي

تضم الجرح وتموت بكرامه ماتقول الآه
لو أن أكبر مصايبها رحيلك ياأول أحبابي

وسلامتكم