يازين سن الصغر يامجمل ايامه - خليف الوهيداني

يازين سن الصغر يامجمل ايامه
طفرت حياة(ن)توسع صدر راعيها

يلعب طوال النهار وليله انامه
ماحاسب ايام دنياه ولياليها

صغير سن(ن)لو خطا ماحد(ن)لامه
ولو ضاق من حاجت(ن) ساعه وناسيها

شفه وغايت مرامه واعمق احلامه
لعبه من السوق ياخذاها ويشريها

ماهمه الشغل لا ليله ولازامه
ولاحسب الديونه اللي كيف يقضيها

ماسق لجل المعوشه خطوت اقدامه
لون دنياه قدامه بالويها

طفل(ن)مايدري ويش قدامه
وان طال عمره عرف دنياه تاليها

© 2024 - موقع الشعر