سن الخناجر

جيتي وروحك شينها فادح البين
جيتي وانا اقرب للثريا نقاها

جيتي وعلمك ما حمل لي براهين
إلا نفاثك للسموم وبلاها

جيتي وأنا في جيتك مرحب أهلين
مدري عن اللي فالنفوس وخفاها

من علمك سن الخناجر بلا دين
حتى تجيدي بالطعون ومداها

لاتأمني الايام وأن طافت أسنين
بترد لك دين الاسى في جزاها

انا أحتسبت أجري على الله أجرين
ساعة نهيت النفس تكثر لغاها

روحي فمان الله مع علمك الشين
يمكني انسى جيتك مع أساها

ش/ الملتاعة