ليتني للطفولة اعود

ليتني يوم واحد للطفوله اعود

واتنطط وانادي فاطمه مع وليد

والسما بالمطر هتان برق ورعود

وكلٍ بسيكله يلعب وقلبه سعيد

وفي يدينا حلاوه اسمها ام عود

وحلوةٍ اسمها غزل البنات الفريد

وبالمراجيح نلعب والاهالي رقود

ونتضارب ونرجع بالتصالح جديد

كانت ايام حلوه روحت ياوعود

كل بيتٍ جمعنا كنه ايام عيد

ماسقتها الهموم ولامطرت بالجحود

ولا خذاها هجير الخبث وعد ووعيد

ولاحوت ويل سقمٍ بالليالي حسود

النوايا سليمه سلم عقلٍ رشيد

شعر: الملتاعة غزيل الهذلي