سر يا قلم واكتب عن الخال هادي
يالله عسى في جنة الخلد مثواه
بعض العرب يموت وأسبوع عادي
وخالي يبي يبطي وبالقلب ذكراه
وأنا أدري أن الموت حقٍ وكادي
لو طال عمر الشخص لابد يلقاه
شفت الوكر والطير والدمع زادي
وذكرت يوم الطير من فوق يمناه
اضحك معه وامزح وباسمه أنادي
واليوم راح وفوقه الرمل غطاه
لعل خده فوق روض وبرادي
في جنة الفردوس ياطيب الجاه
وعساه يوم الحشر يسمع منادي
واسمه يصوت وعن حضى النار يرفاه
وقدمه فهيد وراح مقذل وهادي
والله يصبرهم على حر فرقاه
ومن فضل ربي له عيالٍ سنادي
روحه غدت والاسم موجود لابناءه
راعي الكرم والطيب ذيب المعادي
انشهدنه تفعل الطيب شرواه
اليا جوه ربعه بأول الخير بادي
من دلةٍ صفرا على النار مركاه
وضيفه يقلط له سمينٍ تنادي
واليا جاه ضيفه قام يضحك محياه
وعقب رجالٍ جعلهم فالمرادي
من صغرهم كلن على الطيب رباه
راحت حلوم أيامنا بالحمادي
يوم القنص والطير نطرب لممشاه
ندوج بالقرناس مع كل وادي
على عقارب وهجره سمير ممساه
ياحلو جمعتنا بوقت الهدادي
واليوم يا فهاد مغير ذكراه
واليوم صار الوضع مهوب عادي
معاد نبغى الطير من عقب فراقه
واختم جوابي عد خط الايادي
واعداد ما سار القلم بخط بملاه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين