مرثية : فهيد بن مقنع العازمي رحمة الله - صالح سيف ميزر العازمي

زياد لو من صاح من مات يوحيه
لرفع بصوتي يا بو عذبي وانادي

عمر الفتا لو طول الاجل ياتيه
ومن عاش بالدنيا وطاه النفادي

من عاش شاف من التجارب بلاويه
اصبر بحكم الله شفيع العبادي

اطلبله الرحمه وبالاسم تحييه
حدر الرمل لبسن عليه الاحدادي

ودع عياله واهله مع عوانيه
الله يبيحك يا الفقيد اخو هادي

علمن لفا فالسبت ما ودي اطريه
اذاود العبره منه بالفوادي

نزفت من موقي من الدمع صافيه
ابكي وصار الوضع ماهوب عادي

طيب .. وله قيمه وتحمد مساعيه
ابوك يا زياد ماله بلادي

لعل قبرن شيعت جثته فيه
يشع نورن فيه يجلا السوادي

الله يبيحه واخذين العوض فيه
بعياله اللى من طيور الهدادي

عشره صقور وطيبهم نفتخر فيه
ريف النشاما جعلهم فالمرادي

عز الله انه نعم وان حل طاريه
فعله عليه شهود بيض الايدي

من مات للجنه والحي يبقيه
وعساه يوم الحشر يسمع منادي

يعوضه في مجلسه في مراكيه
في جنة الفردوس رب العبادي

صلاة ربي عد ما هب ذاريه
على نبين للمخاليق هادي

© 2024 - موقع الشعر