ياابوفهد دعوتك .

لـ محمد البياضي، ، في العائلي والاجتماعي، آخر تحديث

ياابوفهد دعوتك . - محمد البياضي

ياابوفهد دعوتك ماهي رساله
مضمونها دعوة نشاما للاجواد
بسمك وبسم اهل لوفاء والشكاله
اخوانك اللي طيبهم دوم يزداد
دعوة مبريين ٍ ولاهي جماله
بقلوبكم حب وغلاكم بالاكباد
لوالديكم كل منكم وصاله
على الرضى ساعي وطايع ومنفاد
كلا ٍ يقدم مال من حر ماله
يسوق من ماله وللخير معتاد
من مال والاّ من غوالي حلاله
في كل عام على الوعد والوعد عاد
عن غالي ٍ قفى وشدت رحاله
والد شهر صيته على روس الاشهاد
والد غرس فيكم جزايل فعاله
علا بها عن كل هافي ونقاد
وانتم على دارج وفاه وخصاله
والكل منكم ضاف من طيبه وزاد
والرجل لحّسن تربيته بعياله
تلقى عياله غير عن بعض الاولاد
لا راد رب البيت جلاجلاله
يصلح ويهدي له عياله والاحفاد
عمله منكم ماايتقطع حباله
موصول واصل له ليا ربنا راد
© 2024 - موقع الشعر