ابيات للشاعر / سليمان ابوطلحي وردي.

ابيات سليمان /
ليه الحياء من وجه بنت العرب طاح
ليه اصبح الرجال ما فيه غِيره
ما اقول كل البيض من دمهن راح
ولا آقول كل رجالنا بالحضيره
ردي /
يجوز باب البيت من دون مفتاح
ماهو مشرّع مثل ما كان غيّره
تطلع عليه الشمس وتهب الارياح
ينصونه الاجواد من كل ديره
هذاك بيت اهل المعزه والاصلاح
ماتو هله وبهم مزايا كثيره
ماتو بعد ما ضمدو كل الاجراح
من حقهم ما ضاع كبر الشعيره
حفظ الشرف في عرفهم حفظ الارواح
تاريخهم في سيرة العرض سيره
وهذول يا سليمان في جوهم فاح
عطر اجنبي ما صنعته الجزيره
مع انفتاح العولمه لفج الاصباح
عيونهم تتبارق ومستديره
اقل شي الثور من قبل نطاح
اليا غضب واللون الاحمر يثيره
واليوم لو تطعنه بسهوم ورماح
ما يحترك لو بم خمس القصيره
جامد دمه لو تقطع العرق ما ساح
وشلون يا سليمان يحمى منيره