ابيات من الشاعر سليمان الجبيل وردي .

لـ محمد البياضي، ، في غير مصنف، آخر تحديث

ابيات من الشاعر سليمان الجبيل وردي . - محمد البياضي

ما يشوش الا الشجاع ابن الشجاع الطيّب
ولا رحم راساً من النوماس فض ٍ فاضي
راعي النخوه حشيم ومن هل النخوه قريّب
وانت رجال المكارم يا محمد البياضي
لك في صدور المجالس مقعد ٍ ماهو معيّب
ورايتك مع هل العرفِ ناصعة البياضي
الرد :
عد همال المزون الليّ مطرها صيّب
مرحبا بك يالجبيل ابن الكريم القاضي
ما عليك ولا على شهم انجبك يا مهيّب
زود في حاضر زمنا والزمان الماضي
انت راعي قلب حي ونظرة ٍ ما تخيب
بك خصال اتنومس الزعلان قبل الراضي
في لزومك واقف وعن واجبك ما تغيب
يا سليمان انت قول وفعل مانت بفاضي

مناسبة القصيدة

ابيات من الشاعر المعروف / سليمان الجبيل البلوي وردي .
© 2024 - موقع الشعر