قصيده من الشاعر/ سليمان بن مطير أبو طلحي العطوي.وردي. - محمد البياضي

سمعت شعر حروفه الدر والماس
وجواهراً من بين ماسه وماسه

شعر ٍجميل وشاعراً كله إحساس
أحلى المعاني تنتشى من إحساسه

أن قيسوا الشعار بالشعر ما يقاس
مثل المحيط أشلون تاخذ مقاسه

حبيت أنا اراسله وادنيت قرطاس
وعنونته بعنوان راع الوناسه

قرم ٍوفعله دايم ٍيرفع الراس
محمد ابو بجاد بالطيب ساسه

يالذيب قلبي بالهوى سار غطاس
والمشكلة ماعرف انا بالغطاسه

الله رماني في هوى ريم الاطعاس
الليّ عن القناص فيه احتساسه

غرون زهاه احجاج وعيونا إنعاس
لاسلهمت تبضي يجيه احتباسه

عليه رمشاً يشبه الرمح جساس
الليّ طعن به ولد عمه وداسه

وفي صدرها شفت أجمل ثمار جلاس
مستسويات وزمز من له الباسه

أن جيت أبوصف سرت ياخوك محتاس
الزين به من خمصه الحد راسه

يعطيني الآمال واشوف أنا الياس
في وضعها يحتار راع الفراسه

أن قلت له ما يسير يقول لاباس
اشوف معها الحظ جاه انتكاسه

شف لي طريقه يالبياضي ونبراس
وشلون ابروي كبد طول يباسه

وأجبت عليه بهذه القصيده :-
أجمل من الغربي ليا هب نسناس

يحمل نسيمه ريح طيب نفاسه
متخالطات زهور ماهي من الكاس

زهور نبت الروض ماهي بكاسه
ترحيب في من اسس وعزز الساس

وابيات شعره ميزتها السلاسه
رسالته جتني وانا كنت منحاس

في ظرف ماهو بالعمل والرياسه
بالرغم هذا شغلت كل الأجراس

عندي وساقتني لدرب الحماسه
تحمل مابين سطورها جلً الاحساس

احساس مخلص ما يعرف الهلاسه
تشكر على ماقلت ياطيب الناس

قولك صريح ولا بقولك دساسه
شكواك عندي حركت كم هوجاس

والليّ سمع به ضاق صدره وحاسه
يوم ابتليت بحب مدقوق اللعاس

عديم وصف ولا مشى بالدناسه
الحظ له وقفه وميله ومجلاس

والصبر زين ومن صبر زاد باسه
ومن قبل لا اخطط ونفذ ولا التاس

الوضع ياسليمان يبغى دراسه
أبسبر الديره أو ادز عساس

قبل الحصاد وقبل وقت الدراسه
وان كان باب الود ماهو بترباس

مغلق ومفتوح عليك أنت جاسه
حاول معه واترك عنك بعض الاجناس

وان كان يمك مال عقب التماسه
للابل عساف ٍوللخيل سياس

والطبع لنه زان هذه سياسه
انا معك وابلبس الدرع والطاس

لونقتحم دار عليها الحراسه
فوق النضا والا على قب الفراس

وان كان شان العلم قلي تواسه
وان كنها بالمال ما علنت الفلاس

من حر مالي مااحترفت اختلاسه
وان كنها بالجاه ياطير قرناس

الوجه من ناسك وناسي وناسه
هذا وقولي مايجي بين الاقواس

لوكان في ليل ٍوحالك دماسه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر