ساس البلا

لي حول نص السنه ما اداني ازحف وراگ
اليا استوت من جهه ما تستوي من جهه

كم واحدٍ كان لا صوّت لي اقول جاگ
و لبّيه مدري هلا و اليوم صرت اسفهه

يا قلب خادمك وقتي فكنا من عناگ
و الرّاس طاري الحزن من فكري يشرّهه

يا من ترا ضحكتي تراني اضحك علاگ
كم فرحه تمرّني و احسّها مشوّهه

و اللّي يقولون كلّه من حبيبٍ جفاگ
يا نعنبوا صدق بس من انتي مدرّهه

يالله يا الخالق القيّوم انا في رجاگ
لعبدك اللّي شكى الضّيق الفرج وجّهه

و ارضى عنه و انت مابه ما يعادل رضاگ
في دنيته يفلح و في دينه تفقّهه

للنّاس ما ودّي اعلّم و هو ما خفاگ
ما عاد احد صوب احد و العالم مرفّهه

كلٍ بحاله ما يبغى له مع احد احتكاگ
لكن بكره لابد ايّامه تنبّهه

ان ما وقفت بلزومك ما احد واقف معاگ
الخلق وقت العوافي كلّها مفوّهه

ارفع عن أهل الهروج الساقطه مستواگ
و ان كان تغلي من اخطا بالخطا نوّهه

و لا توقّع من احد انّه ما يخطي علاگ
تراه ما هو نبي حتّى انّك تنزّهه

و البخل ساس البلا حاول ما تكشف بلاگ
و من لا استمع شور شايب شوره يتوّهه

عودٍ مع الوقت في ليل و نهار اشتباگ
ما هو من عوادتن ب اعمارها مسفّهه