الفارقه

ودّك ( الشاعر ) ليا هاض فكره للقصيد
يتعبه للفارقه ما يجيب الطارفه

اكثر الابيات مستهلكه ما به جديد
واغلب الشعّار هاجوس فكره كارفه

مادرا ان بيوته شعره تجي صفرالرصيد
عنده ان البيت كنّه جنيهٍ صارفه

كان مافيك استطاعه تفيد و تستفيد
طالبك ترتاح تحت الظلال الوارفه

لا تغنّي كل يومين و تجر النشيد
وانت منهاجك عن اهل الجزاله حارفه

والاّ انا ما هيض افكاري الا من يسيد
(فالعذارى ) و بجمال البرايا سارفه

يوم تطري لي عيونه و مجدوله و جيد
لونه من اللول ياخذ وربّي تارفه

ما اخبلك ياللي بزين القمر دايم تشيد
القمر وصفه من اوصاف خلّي زارفه

لو يطل اعلى الجبين اعلنوه هلال عيد
ماخطاه الا ان معلوق خلّه جارفه

يا وليفي و الله ان شوفتك عيدٍ سعيد
كيف تبخل وانت مفعول وصلك عارفه

كل ماجابوا مجالك وقالوا لي بعيد
كنّي بيمناي دم الحنايا غارفه

و قفّل الموضوع بالله ما ( ودّي ) نزيد
ثم يجي طاري التعب والدموع الذارفه