الطيّب ليا طاب يثبت على ساس

لـ ، ، في قصائد اخرى، آخر تحديث :

من لايقدّرني ماحطه على الراس
اجنبه ما احط راسي براسه
يمرني بلباس ويروح بلباس
ماني مدقق في مواري لباسه
لاصار مايلبس ثيابٍ بمقياس
مضوّقن ثوبه ومخلف قياسه
دايم يجي مابين حايس وحوّاس
واليا عطوه العلم عوّد وحاسه
اللي مثل شرواه لابد ينداس
قدّام يلقى ب المواطي مداسه
دنياً تجاربها تضيّق بالانفاس
واللي عرفها قام ياخذ انفاسه
كلن على الدنيا طراقي وعسّاس
يفوز فيها من ضرى للعساسه
من لا يميّز في عيونه مع الناس
لا يلحق الشرهه بناسي وناسه
الطيّب ليا طاب يثبت على ساس
والا الردي وان طاب يرجع لساسه

حقوق النشر محفوظة لـشاعر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2004 - 2019 - موقع الشعر