الطيب اعرفه ماتعرف على الطيب

لـ خليف الوهيداني، ، في غير مُحدد، آخر تحديث

الطيب اعرفه ماتعرف على الطيب - خليف الوهيداني

الطيب اعرفه ماتعرف على الطيب
ولاقول انا كامل جميع الوصايف

والرجل يخطي نوب بالهرج ويصيب
ومن فعل طيبه نوب يلقا الحسايف

ماحدن سلم من شرهت الناس والعيب
لو حترص من شرهت الناس خايف

ورجل(ن)يوصف بالوصايف على الذيب
ورجل(ن)يوصف وصف ناب الردايف

ورجل(ن)يوصف في كلاب المغاريب
وبالهرج والنمات فرق ولايف

ورجل(ن)يوصف في عطيب المضاريب
حرن عليه الصيد ماهو بطايف

واحدن يشب بضيم الاقراب ويشيب
واحدن عن الاقراب شال الكلايف

ورجل امعروف(ن)بالحكي بالاكاذيب
بالكذب غطا النشر وسط الصحايف

ورجل(ن)ضعيف ولايودي ولايجيب
ويخاف حتى من كلام الزهايف

ورجل(ن)تضيع ابه الحيل ولاطابيب
هرجه صتيمه والفعايل خرايف

لو فتلت يمناه طول الاشانيب
ماسد حاجه بالامور الخفايف

ورجل(ن)عزيز وعز منهو له صحيب
كل(ن)له بالعز والطيب شايف

رجل(ن)قوي الباس قدم المطاليب
وللاينه جور الزمن والكسايف

ماباح سده مع اهل الشك والريب
يمشي منه كشاف الاسرار عايف

ويسعى ويرجي عالم السر والغيب
لو داخله لافه من الوقت لايف

مافيه مخلوق(ن)سليم العذاريب
ولوهو سلم ماسلم من هرج زايف

© 2024 - موقع الشعر