نقطة نظام

مبطي عن الشعر و الشعر لو انّه كلام
القصيده بعد غيبه تجيك مسكّته

الهواجس و الله ان ماهي بذات اهتمام
لكن اليا جات فالصدر تقلع تكّته

و البيوت ان كان ما جت على قد المقام
ودّك الشاعر يضحّي بها عن شكّته

الفكر بينه و بين الحزينين انسجام
كل واحد مع معاناته الليّ ضكّته

انشد اللّي قبل ثنتين ما حوله منام
لا سرت في ضلوع قلبه همومٍ دكّته

كنّي اسهر دبّة الليل خوف من الظلام
كل باب ظروف وقتي بوجهي صكّته

و الحقيقه ودّي اقول لي نقطة نظام
التجارب تضحك الشخص مهما بكّته

و الرفاقه بعضهم فالشدايد ما يلام
ياخذ الايّام تنكيت بقعا تنكّته

الرفاهيه تردّه عن دروب الكرام
و يعرف الواقع لا من المصايب حكّته

و لا لقيت اصعب من انّك تخاوي لك همام
كل منهاجٍ مشرّف ما جنّب سكّته

صاحبٍ في بعض الاوقات ما جوّه تمام
و غيرها و الله ما اطيب منه لا فكّته