نقطة نظام

اتق الله يا من تدّعي بالغرام
لا تراعي لدين ولا تراعي عوايد

شغلتك للصبايا صَف حلو الكلام
شيّن الله دروبك ماخذ ابليس قايد

يا محرم حلال و يا محلل حرام
ما تذكرت يومٍ تبتلي بالنكايد

عزةٍ تاخذك بالإثم بنك الأثام
يصبح الضنك دَيْنك والمعاصي فوايد

في طبيعة حياتك سِن نقطة نظام
واختر الطهر والعفه ترى العمر بايد

اجعل الحق دايم لك رفيق وإمام
لاتصيبك هموم ولاتجيك النقايد

والزمي يا بنيه حشمتك واللثام
وارفعي روس شيبانك وساع البنايد

اللي بالحب صادق مايجي بالظلام
لاتكونين طعمٍ بالشرَك والمصايد

من يعزك ويفخر بك بكل احترام
يحفظك بعد ربي باليدين الرشايد

لايذمك ولا يرميك رمي السهام
يبعدك عن شرور اهل الردى والمكايد

صوني اسم العشيره والاهل والعمام
كوني لاهلك عضيد ومن خيار العضايد

ما قصدت بقصيدي غير درب السلام
يمكن ان النصايح تنفهم بالقصايد