(عز شمر) :

باللقب والصيت يا هافي النسب
لو تكبَّر ، ما أنت بأفعالك كبير

والعرب ما تجهل أفعال العرب
لو يسمى ب(الصقور) أيات طير

الصغير: صغير ذلك لا عجب!
من شموخ الذات ما ذاق الدرير

والسبب : الله يعلم بالسبب؟
مجري الأقدار ما صار ويصير

ما نرد اللي علينا ينكتب
ما يريد الله من شر وخير

راح (أبو نواف) بالوقت الصعب
بالغدر والغدر هو فن الحقير

الخبيث النجس مخزوق الذنب
بالخزي معروف (أتان) الحمير

صدق (أبو نواف) في جسمه ذهب
لكن إنه خالد رمزٍ شهير

ب(الجنايز) منجبه نعم النجب
كارُهم بالدم يروون الشطير

(عز شمر) فيه نار تلتهب
عزوته لو يعتزي وين المصير؟

لو لهم يندار في باكر مهب
ويل من يطب في جوف السعير

في حسابه عندهم ما ينحسب
يلعبون بحسبته بأسلوب غير

ما على الناقص ملام ولا عتب
ما يشاف الفأر بعيون النفير

لكن الأشناب تبلى بالنّشب
والحساب الصعب باليوم العسير

في جرير الهيس محلوق الشنب
تنشب الأشناب في شرٍّ شرير

ينفجر في يوم مكبوت الغضب
ثم يجري (ويل) في صحراء الهجير

وتنقلب آهات موال الطرب
والحذر يا راعي الفرش الوثير

(ذل شمر)عنك (حامض يا عنب)
و(الحصيني) عندهم ما هو (أمير)

باسم (بقعاء) و(المليدا) ترتعب
و(الصريف) اللي بها كسر الجبير

فيها أفلام وروايات الرعب
مضرب الأمثال واعقل واستشير