مثل المرايا :

لـ ، ، في الغزل والوصف، آخر تحديث :

عندك جمال الشعر يعكس مشاعرْك
ويمزج شذا مشاعرك في شعوري
مثل المرايا بين شمسك وناظرك
تهدي عيون اللي يناظرك نوري
ويسرح خيالي وين ما دري! يدورك؟
ويجسد غيابك بواقع حضوري
ومن غير ما تدري بليلي أسامرْك
واخاف بعض الناس تكشف أموري
واغار لو في طرف عينه يناظرك
غيري ؛ وأفقد دون ما احس طوري
لكني اكسر خاطري لأجل خاطرك
واجحد لهيب النار في وسط زوري
واليوم عن شيء بنفسي أبادرك
لو انت ما سبرت يا شوق غوري
ما ادري ؟ أحس إن فيه شيء مغيرك!
اشوفني وياك في وضع صوري!
ما انته على ما كنت بالأمس خابرك
في عذبك الصافي تباهى زهوري
خابرك فوق الكل ترفع منايرك
واشوفني وياك توأم ضروري
كنه زهد في حلو ماضيك حاضرك
صارت مسراتك تجافي سروري
قل الوفاء اللي كان بالحب جابرك
على التواصل عبر جسر العبوري
ذاك الشعور اللي يذعذع بعاطرك
عند التلاقي بالهوى مع عطوري
وما كان يبدي من خوافيك ظاهرك
واستظهره بالعين لحظة ظهوري
لا تكثر الاعذار ما نيب عاذرك
قلها صراحة واعتذر ومْعَذوري
وإن كنت خاسرني فأنا اكيد خاسرك
وابقى على لوعة فراقك صبوري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين