حفلة جراح ليس إلا ! - فايز الزعل

وهذا عام أنطفى سراجه ..
وراح .. ومابقاله .. الا
ساعات وجراح ..
وكلبونا كان يلبس
الكثير من ال تفاصيل
اللعينه له وشاح ..
من ينايره الى .. ديسمبره ..
كنا وكنا .. نصب الغيم
ف قلوب ٍ شحاح ..
لين ماتروى .. ونذبل من عطانا
ياخطانا .. اللي تكدس ..
من زجاج و فوضوية ..
وانكسر فينا وطاح ..
آه يا هذي ال مدينة
ال مرهقه في كل ليلة ..
ال كثير اللي لبس لون وقناع ..
وباع طهره ب سوق خردة ..
وانفتاح ..
أيش أكثر لو اسولف ..
او أفضفض لك عن الجرح ..
اللي في ظهري ..
وياخبث الرماح ..
ايش ودك تعرفينه ..
عن سكوتي ياما كفنه التردد ..
وال متاح ..
تصدقين .. مافي أطهر ..
من دعا هالامهات ..
قلوبهن بيضا وحمايم
وانشراح ..
وفيني أكثر .. من قبيلة
شيخها مكسور .. والذل
أستباح ..
ليه انااللي جيتي .. يّمه ..
وغيري .. يهديلك قصر وأحلام
والماس وصلاح ..
ومن يهمه ..
في زمنا كنت طّيب ..
والا انك حيل ساذج ..
منهو فينا استراح ..
يووووه ..يابنت ال بساطة ..
من اي زمن جيتي ..ومثلك ..
ماله مابين ال خلايق .. اي معدن ..
ليه انا اللي بين الآلاف النوايا ..
تفرغينه محتواه .. ومانوى
يحكيه عمدن ..
ايش افرق عن بقيتهم ..
وحنا عيال تسعه ..
واختلاف الكل يكمن .. في
صدى تربيته ..وذريته ..
طيب وفلاح ..
يا عيونك .. لاتناظر في
عيوني ..
أدنى نظره تجيبني ..ارض
وبراح ..
وانا يكفيني صدى
شيخٍ على ربعي ..ومكسور
ال جناح
ال تعب فيني على هيئة
تضاريس وجبالٍ سود ..
وبروق ورياح ..
أعتقيني من علاقات ال تفلسف ..
والنوايا اللي تمرجحها ..ال غريزة ..
ماشربت ميٍ قراح ..
اتركيني في خنادق روحي الليلة ..
اتسول واتوسل لك كفى طيش
ومزاح ..
لايغرك ضحكتي .. لاجيت من
خلف ال كواليس .. ال ندية
وال سلالم والنجاح ..
هذا انا سيرة على ال هامش ..
أصب الغيم ل عيون ال عطاشا
وازرع ال قيعان من طهري ..
وياكثر ال كفاح ..
قفلي بيبان بوحك .. مابها
طهر ف مدينتنا ، ولا راحة ..
ولاحتى مراح ..
ال نوايا سود واكثر ..
وال شوارع .. حيل زحمة ..
لايغرك أقنعتهم انها تغري ..
مابنا من هو سلم ..
من زيف هالغربان ..
وياكثر النباح ...
زهملي عيونك .. دخيلك ..
هذا ال دنيا وحولك ..
اغرسي .. كل ال هلاهيل ..
بلهاتك .. اقطفي ..
كل امنياتك .. كلها يومين ..
ويبدأ فيك هالعام ال جديد
والا انا " معزول خلقه "
مالي ومال ال جراح ..
© 2024 - موقع الشعر