السعودية العظمى - فايز الزعل

المملكة لوقفت الكل يأخذ جلوس
واذا زعلت تقلب الدنيا على راسها
تفرق أصابع وترفع روس وتهين روس
والديرة اللي طغت يب ينهدم ساسها
لاماتلفت إلى منها سرت كم تدوس
أرقاب وحلوق حطت سمها بكاسها
هنا السعودية العظمى وشمس الشموس
الشامخة بكل قادتها وحراسها
سلام والوقفة ماتحتاج أية طقوس
سلمان مقدام من يومه ونوماسها
اذا وقف يحجب العالم وكل النفوس
واذا جلس يعرف النية ووسواسها
حليم طبعه والى منه حكى حد موس
لاقامت أرقاب تزمي تّلها وداسها
ماشاخت أذناب في عهده ولوهي تحوس
تحدها سيوف تقطع شهقة أنفاسها
هنا أسودٍ هنا مجدٍ وحربٍ ضروس
منهو نوى للفتن نهديه هوجاسها
يالله بنصرٍ على أهل الفتن والمجوس
في ساعةٍ والحرايب تقرع أجراسها
© 2024 - موقع الشعر