مواسم

لـ فايز الزعل، ، في غير مُحدد

مواسم - فايز الزعل

مرت مواسم وأنا جالس كذا أفكر
أطوّف اللي أبي واحد ورا الثاني
البعض تعطيه من دمك ويتنكر
لو ادري متبرع بدمي لأخواني
فتحت انا أبواب وغيري بابه مسكر
قلت أقدعوا من جذع نخلي وبستاني
وصلت عادي ولاني بزي متنكر
جيت أقلب العالم بكبره على الجاني
حطيتكم تحت بند الضغط والسكر
بنشف أرياقكم كان الله امداني
ماهي بّمنه ولكن ناس تستنكر
جيت افضح أشباهم وأرتب ألواني
ياهو مزاجي يجي خلقه ومتعكر
أكتب وأشطب وألون فوق جدراني
حمدت ربي على النعمة ومتشكر
أقدم الطيب دام الوقت رباني
أحلّق أكثر وأحلّق فوق وأوكر
وأحوم عالي وانا أعرف قدر جنحاني
وأذكر اللي نسى المعروف واذكر
الشمس مردها تشرق ب قيعاني
وصلت للقمة اللي فوق ومعسكر
وصلت ميدانكم وأنا بميداني
أسوي الطيب وفكر العالم مهكر
يالله تستر على دمي و شرياني
الحسد أقشر وحاجة تشبه المُنكر
لا النار ناري ولا الدخان دخاني
وصلت شاعر ولي مبدأ بعد يُذكر
غصبٍ على أهل الحكي واللي تبلاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر