لاتهزأ الحرمه - سلطان العتيبي

لاتهزأ الحرمه من الحب لوطال
الا ليا خيبت فالحب املها

ولاتسخر الحرمه على حب رجال
الا ليا كان الوفا ماحتملها

واعمر لها بالقلب مسكن ومنزال
وسمح لها الخاطر وداري زعلها

وعيش الهوا والحب وارخص لها المال
لومامعك دينار تغنيك عنها

واحذر من الخبله ومن بنت الانذال
نصيحتي ياعزوتي جوز منها

اللي تميلح لك وتلعب وتختال
واتقول انا السنعه وهي بنت بلها

حزه تغني طرق واحزاز موال
وحزه تقول امطوعة بيت اهلها

واتقول شوفوني خبيره بالاعمال
اقلقل الفشه واحمر بصلها

والناس مرتجه وفي عقلها خبال
يقلون وين الحرمه اللي مثلها

وياشين عيشتها وياشين الازوال
الله لايجعل مثيلك جملها

تشعر بنقص العقل والضيق والحال
وتبي تغطي نقصها من جهلها

وقدام ماتملا لك البيت جهال
دور على بكما وعرجا بدلها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر