نبي نسوق الطيب والجاه نرميه
على الرجال اللي سطرها يروعي
وانكانها للمال يرخص ونجزيه
وجيناه من نجد المسمى فزوعي
مانترك المضهود همه يباريه
وحنا الحرار الشقر صلب الذروعي
وان كان ولد العم حط الرجا فيه
وحير عليها واحتزم بالدروعي
جينا على خيل تسابق خطاويه
وننزع وليفك يالعتيبي نزوعي
ونقوم الحفله وعرسك نسويه
في قصر اخو نوره حميد الطبوعي
وشهر العسل في وسط باريس تقضيه
في جو رومنسي وضو الشموعي
والشيك من عندي يجيك وتلاقيه
فالنك الاهلي والتذاكر سبوعي
واترك همومك وانس شي تقاسيه
دامك مع رجال ولانته قطوعي
خل العنا لهل العنا والشقا ارميه
وارفص له العرضه وخل قزوعي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر