شجرة الحمظ - سلطان العتيبي

الله لايجزاك يالحمض بالخير
حنت بك الورقا وحنيت معها

اليا سلا سلطان يتعرضه طير
وترزم له العبره ويجتض منها

وياطير وش جابك على دربي عصير
وشلون مادورت حمضه بدلها

ماتدري اني مع وليفي كما الزير
اسكر على نسمة هوا من نحرها

وان شفت زوله رافع الثوب ويسير
اصيح باعلى الصوت وانثر عبرها

وجدي على المحبوب وجد المناصير
على سليم الهرش حامي ديرها

يوم احملو نعشه وراحوابه النير
طاحو على الحفره ولا احد حفرها

ويالايمي جعلك من العله تغير
لأقرب طبيب ولا يلاقي سببها

تحتار مع شرك ويلويك وتدير
وتسهر من اوجاعك ومن قوي المها

ويالابتي فالعشق ماحتاج تبرير
على الوليف اللي عطوري نسمها

خلي ملك قلبي ونصبته امير
يامر على روحي ويستانس بها

ومادام اريج العود شوق الغنادير
استنشق دخونه ونسمه جمرها

والله مانسى الريج لاهب ياعمير
وسد الحنايا العوج لبني قصرها

وقطف زهور الريج وانسى المباخير
ويلاه من ريج العطر لا لطمها

وان هبت النسمه وريجه مسايير
اطيح من ريج العطر في قدمها

© 2023 - موقع الشعر