والله مافكرت - سلطان العتيبي

والله مافكرت بفلان وفلان وفلان
تزعل وترضا مابهن عندنا فرق

العزوه من نفيع والساس عتبان
واخوالنا من روق والعم من برق

فرسان فالميدان وقروم شجعان
سهومنا تحرق كبود العدا حرق

مثل الحرار الشقر في ضلع ميسان
ومثل السحاب الغر لا لاحه البرق

ويامرسلي خذلي رساله وعنوان
ولاتنشغل يالحر مع نايح الورق

تاصل ليا تركي ولك بالغلا شان
توصل المكتوب وترد من شرق

قله ترا يالذيب ينخاك سلطان
من الردي الي سرق حكمتي سرق

مابي زعل مثلك ونا صح غلطان
لكن عدابي اللاش والداب الازرق

ولا لقيت العدل والضلم لي بان
من ناس انا اغليها وغني لها الطرق

والا انت راعي طيب في كل الازمان
حرن يعاف الديك والطير الابرق

والمعذره يالذيب لن كنت زعلان
مابي زعل مثلك ومع ضيمي اشرق

© 2023 - موقع الشعر