إي والله إي والله ملك قلب بغداد - صدى بغداد

إي واللهَ إي ... واللهْ مِلكْ قلبْ بغداد
و إتربع بعرش الوفى والودادي

يمون لامنه بغى جِند و اعتاد
النبض جُنده والحشى له عتادي

يتصرّف بقلبي على كيف ما راد
و أرضى بحُكمه لو طلبه الفوادي

سافر عن إدياري وانا فيه نشّاد
(ياراحل ٍ .. عني فلا طاب زادي)

طيفك سكنّي يا هوى الفُل والكآد
والشوق جدوآ حضرتك مو ب عادي

تركت في روح الصدى حُبْ و إعناد
وعناد نفسي ما تبي هال بعادي

مرّت معك أيام .. واصبحت معتاد
معتاده ../ أتعنى وإنتَ المرادي

إي والله .. يفّدونك عربنا والاسياد
وأفْدَى هَلّكْ مع عالمك والجدادي

باين ترا حُبي على روس الاشهاد
له شوق باديلك وفاض المدادي

ودمع ٍ يهلّ ل طاري الوقت ميعاد
دمعة فقير ل دين ماله سدادي

سافر ../ وانا روحي تِعَلل وتزداد
وأعلنت بعده وقفتي للحدادي

إلين كفّي يخَضِبه لمسته عاد
يلي فديته دون كل العبادي

© 2023 - موقع الشعر