لاتضرب الحرمه - سلطان العتيبي

لاتضرب الحرمه ليا كنت رجال
مايضرب الحرمه رجل فيه شيمه

وحاول تسايرها على كل الاحوال
وان غلطت بحقك تراها حشيمه

وقدم لها ورده وخاتم وسلسال
حتى تميزها وتظهر وسيمه

وفي جلست الجارات لابد تختال
ويصبح لها رنه وهيبه وقيمه

وحقوقها زود وراها بمكيال
تملك مثلك شعور ماهي بهيمه

والبس لها الغتره وميلها عقال
واظهر لها قوه وباس وعزيمه

وخذها معك للسوق وارخص لها المال
واحذر تجي حفله وتطلع قديمه

مادام مابه عار واهروج تنقال
احذر تعايرها وتطلع شتيمه

ولو امها تنشدك والعم والخال
قل بنتكم مكسب وفينا رحيمه

واصبر عليها شهور واسنين واليال
وحاول تعلمها لياهي غشيمه

واحذر تطلقها وتجرح لها البال
ويزعل عليك العود والا تضيمه

ولابد ماتصلح وتنجب لك عيال
وتشكرك في فعلك وترجع حميمه

© 2024 - موقع الشعر