من قال ذي الحرمه رجل قيل الرجل هذامره

لـ عيسى المحبي، ، في الحكمه والنصح، 1،966، آخر تحديث

من قال ذي الحرمه رجل قيل الرجل هذامره - عيسى المحبي

بقول لي كم بيت مادام إن للكلمه مجال
وأطلب من الله الهدايه والتقى والمغفره

إن جت على ما نمتني وألا ف لله الكمال
وإن ضاق أحد من كلمتي يصبرتروها غشمره

بعض الكلام يقال لكن به كلام(ن) ما يقال
وترى القليل من الكلام الزين خير من أكثره

وترى النقاش بعقل خيرمن التناقر والجدال
أقنع رفيقك وإن عجزت تقنعه لا تخسره

طرح المواضيع بهدو والرد من غير انفعال
البعض رايه صح لكن الطريقه منكره

خلك رجل والمرجله ماهي بثوب ولا عقال
المرجله تبقى بصفحات الرجال مسطره

المرجله فعل الرجال اللي يهدون الجبال
أفعالهم تشهد لهم سيبك من أهل الثرثره

ذولا الرجال الصدق ماهم من فيئة روح وتعال
ولا من اللي لا عرف سرك بسرعه ينشره

وتروه عيب على الرجل نقل الكلام وقيل قال
وأكبر خطاء يلحق كلامك ساكنين المقبره

والحقد والحقره و تقديم الحريم على الرجال
ومن قال ذي الحرمه رجل قيل الرجل هذا مره

بعض العرب ينسج من الكذبه قصائد وإحتفال
ويصنع من الهين بطل ومن الفضايح مفخره

© 2024 - موقع الشعر