يابنت فيك الوقت - سلطان العتيبي

يابنت فيك الوقت سوا سواياه
اثر على وضعك وفيك اختلافي

بالصوت ماقلتي لكن شي شفناه
ومن شاف حالك من حياته يعافي

لاشفت نكك صار بالقلب ممحاه
تمحا المعاليق السخاف الرهافي

ومن عافنا يابنت والله لعفناه
لو كان حبه بالشرايين ضافي

ومنه هجرنا بالتغلي هجرناه
يلقا من الخثرات بنت تعافي

لوكان اريج العطر وابلغ هداياه
نحطها في ضرف وان قول كافي

والي خلق مثله وشكله وشرواه
لابد مانلقى من الناس وافي

والي يحب انسان لابد يرعاه
يرقب على خله لياصار غافي

واليا صحا من نوم صبحه وامساه
يقول ياعمري فديتك عوافي

وانتي سوات الورد قدام مجناه
غالي على الزراع عند القطافي

وانا اشهد انك من رجال مسماه
حريبها قدام يقبل يخافي

© 2024 - موقع الشعر