يابنت - جمعة بن نايم الكعبي

لا تحسبين الحب لعبة وسلوان
يا بنت ما كل الذي حب طعتيه

حذرك من اللي يخلط الحب بألوان
أترى الذي ما يعرف الصقر يشويه

الحب ماهو حب نظرة بالأعيان
لازم على اللي ياخذ الحب يعطيه

مثل الشجر لي عاد هايف وعطشان
هل كيف ينقض والمطر كف يسقيه

يا مسهل الكلمة على قلب الإنسان
ينطق بكلمة حب والسر يخفيه

ما كل شي وينشرى بكثر الأثمان
للقلب عزة وصعب الإنسان يشريه

صار الهوى لعبة مع البعض ينهان
وحدٍ ولو ما يعرفه يبتلي فيه

يا بنت بين الأمس واليوم شتان
وقتك تغير والوفا راح ماضيه

وإن صح قولي قلت موال بألحان
كل يوم يتردد وناسٍ تغنيه

لا تشتكين اليوم يا بنت خِسران
من لا يداري في الهوى من يداريه

© 2024 - موقع الشعر