يابنت لا يغريك عزف المعاني - نافع الحربي

يابنت لا يغريك عزف المعاني
ترى الحقيقة كلها هرج وامزوح

صحيح لك بالقلب قدرٍ وشاني
لاشك ما وصلت اليا هم وجروح

حنا تحت حكم الشريعة خواني
في حد ماهو بين الاخوين مسموح

مالي مرامٍ غير ماقلت ثاني
علمٍ على حروف المعاذير مشروح

هذا الصحيح اللي عليه الرهاني
ايو الذي بابه للرزاق مفتوح

الله يقوّم بالفضيلة الساني
عن كل هرجٍ مالنا فيه مصلوح

يسوقني شوقي بليغ البياني
سوق االسحاب اللي بروقه لها ضوح

نوٍّ ربابه يمسح الأرض داني
يفوح وبله من سحاب الروى فوح

كن الغصون بسيله الذيهباني
يشوحهن عن محفله بالهوى شوح

قلبي لشعر البوح قام ايحداني
والوقت ينصحني على الناس لابوح

وحترت بين السدر والخيزراني
وغصين ريحانٍ من الوسم مرشوح

نافع مطر المرواني
© 2024 - موقع الشعر