لا تظلم الوقت خل الوقت في حاله - حسين العسيري
مريت جدّي لقيته جالس لحاله................. بأيديه دلّه بزاكي الهيل دللّهاجلست عنده وأنا صبيت فنجاله.............. حبيت راسه وقلت أرجوك حللّهايا جدّ عندي هموم(ن) تفرش الصاله............هذي مسائل أبي تعريف مجملهايا جدّ وقتي ذبحني من ردا حاله............. ما عاد فيني أَزمّ حمول وأحملهاالناس تجحد كريم وتنكر أفضاله............ حتى صديقي تردّى مع رذايلهايا جدّ تكفى ترا مليت هالحاله........... عطني نصيحه وأنا أوعدك ما أهملهاعَدَّل جلوسه وقام ونكّس عقاله............ قال اسمع الشور منّي لا تطوّلهاأعرفك شاعر ذهين وتعرف القاله......... مير اكتب القاف واعرف كيف تجزلهالا تظلم الوقت خل الوقت في حاله............ وش دخّل الوقت يبلش مع خبايلهاكم واحد(ن) جا بفكره يركض لحاله............ وإلى توهّق .. يقول : الوقت عاملهايا باغي الطيب طبّ وشوف منزاله............. أقرا حروفي ودقق في دلايلهاالرَجْل وقفه .. وطيبه طيب أخواله............ والنفس شينه تطيب بطيب شايلهااحذر ترافق دنيّ النفس وأشكاله............. النفس تصبح قرينه في مثايلهاخل التعالي وقَول الزور وأفعاله............. وأكسب جميله وكثّر من جمايلهاأبذل سخاك وتبدّى زبنك بفاله............ وقدّم لضيفك وليمه ما تخيّلهاولا تسرج الخيل إلا وأنت خيّاله............ولا تجلب الدّون وأجلب من أصايلهاولا تعشق المدح التطبيل والهاله............ ما ينفع الحرّ غير أفعال يفعلهاخلّك ل رَبْعك رفيق وعزّ من جاله............ ولآ تعذَّر بدون أسباب .. تجملهاوالشرّ فتنه فلا تبدا وتسعى له.......... وإن جتك زلّه فخلّ الصفح يشملهاوإن جاك شاتم فخلّ وجنّب خباله................خله يولّي ترفّع لا تنزّلهاالطيب عليا وطيّب حظ من طاله............ لا شك ما هو بدون أثمان يبذلهاالعمر ساعة وكل الخلق رحّاله.............. واللي خلقها تعهّد ما يذَمْلّهاوآخر نصيحه نطقها بآخر أقواله............ كمّل بها عِقْد ..من (لولو) وجمّلهاإن كان تبغا شموخك يصلب أطواله............ بنت الحمايل حذاري لا تغازلهاقد قال جدّي وجدّي تصدق أمثاله............ الناس تخطي وتهرب من عمايلهايازين جدّي ليامن نكّس عقاله......... وأطلق حجاجه وجاب الدرّ وأرسلها
أحدث إضافات الديوان
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.