في غيبتك تظلم ليالي سنيني - مجيب صالح الجرادي

في غيبتك تظلم ليالي سنيني
واحس صدري طيلة اليوم مخنوق

ارسم خيالك بالمقل وسط عيني
ماحد مكانك يالغلا ساكن الموق

صح الزمن قد حال بينك وبيني
مير أنني ماطيق غيرك ولا اتوق

لأنك علاجي وانت بلسم ونيني
وانت الهوى للحب ياراعي الذوق

في طلتك تزهر مداين حنيني
تحياعلى باب الوصل زهرة الشوق

مديت لك يدي وراحة يميني
واقسمت لك مايشبهك اي مخلوق

#مجيب_الجرادي
© 2023 - موقع الشعر