في غيبتك - ماهر الذيابي

في غيبتك يظلم تري بعيني الكون
كّن الضيا من وسط كوني نزعته

تايه بوسط الليل مع زحمة جنون
جنون فكري تنتشي لا طلبته

لك خافق ٍ يرعد لك اليوم بمزون
مزون قاف ٍ تنثر أللي شعرته

داخل فؤادي لك تري حرف مكنون
منقوش فوق الصدر يلي نقشته

تخيّل إنك عايش ٍ دون العيون
هذا هو حالي قد شرحت وعرفته

أرفق بخلك دام صار بك مجنون
لا تجيب طار البعد كانك فهمته

ماني بسالي لا وربي يا مفتون
مثلك أعاني بعدك أللي شربته

خذ قاف مني دام قافي لك جفون
وحرفي كما عينك لا جاني وشلته

في غيبتك يظلم تري بعيني الكون
كّن الضيا من وسط كوني نزعته

© 2024 - موقع الشعر